Blog: http://bloggerperfecto.ilcannocchiale.it

'A SPERANZA

 

 

‘A SPERANZA

Nun è ca è proprio inutile

si a ‘e vvote ce cunzola

comme po’ ffà na pinnola

pè nu dolore ‘e mole.

Po’ durà sulo ‘n attimo,

‘na vita, ddoie, tre ore..

Ma po’ comm’a nu fulmine

Torna ‘a venì ‘o dolore.

Spisse ce po’ ffà ridere

mentre se stà chiagnenno..

E ‘o ppoco ‘e luce ‘e ll’anema

saglie ‘int’all’uocchie e splenne.

Speranza! Comm’a femmina

tu abbaglie..ma ‘a luntano!

E.. ‘e suonne se sfrantummano

strignute ‘int’a ‘sti mmane.

Giuseppe Cangiano


Dedicata a DolcInganni e al dolce Compagno…

Pubblicato il 5/4/2007 alle 12.22 nella rubrica NonnoPoeta.

Il Cannocchiale, il mondo visto dal web